Хитой сунъий йўлдош телевидениеси орқали Африка қалбини забт этмоқчи
Африка етакчилари шу ҳафта Пекинда уч йилда бир марта бўлиб ўтадиган Хитой-Африка саммитига тўпланишар экан, Хитой раиси Си Цзиньпинда мақтаниш учун бир нарса бор - сунъий йўлдош телевидениеси.
Деярли тўққиз йил олдин Президент Си Йоханнесбургда бўлиб ўтган Хитой-Африка Ҳамкорлиги Форумида иштирок этган давлат раҳбарларига Хитой Африканинг 23 мамлакатидаги 10 000 дан ортиқ чекка қишлоқларни рақамли телевидение билан таъминлашга ваъда берган эди.
9600 дан ортиқ қишлоқлар сунъий йўлдош инфратузилмаси билан таъминланган бўлса, ҳозирда лойиҳа якунланиши арафасида.
Хитой-Африка ўртасидаги илиқ муносабатлар даврида маълум бўлган ва Хитойнинг ёрдам буджети томонидан молиялаштириладиган ваъда бир нечта Африка мамлакатларида фаолият юритаётган Хитойнинг StarTimes хусусий компаниясига ишониб топширилган эди.
Пойтахт Найробидан қарийб уч соатлик ғарбдаги Оласити қишлоғида Николас Нгуку ўз дўстлари ва оиласини йиғиб, Париж Олимпиадасида кениялик спортчиларнинг югуришини телевизор орқали томоша қилди.
«StarTimes-га эга бўлгунга қадар биз кўп йиллар давомида кўра олмаган Олимпиадани кўрганимиздан жуда хурсандман», деди у компаниянинг тахминан тўрт йил аввал сунъий йўлдош антенналарини ўрнатгани ҳақида гапириб.
Африкадаги StarTimes ҳақида ёзган академик доктор Анжела Люиснинг сўзларига кўра, лойиҳа африкалик томошабинлар учун Хитойнинг ижобий имиджини қолдириш имкониятига эга бўлган.
