Исроил Ливан билан чегарада урушнинг янги босқичини эълон қилди

Исроил «ҳарбий ҳаракатлар оғирлик марказини» шимолга, Ливан билан чегарага ўтказмоқда. Бу ҳақда Исроил мудофаа вазири Йоав Галлант маълум қилди.

“Биз кучлар, ресурслар ва энергияни шимолга йўналтирмоқдамиз. Мен ишонаманки, биз бу урушнинг янги босқичи ёқасида турибмиз ва биз мослашишимиз керак, - деди Галлант.

Вазирнинг сўзларига кўра, Исроилнинг шимолдаги урушдаги мақсадлари «аниқ ва оддий»: «шимолдаги шаҳарлар аҳолисини ўз уйларига эсон-омон қайтариш». «Биз гаровга олинганларни ва жанубдаги вазифаларимизни унутганимиз йўқ. Бу бизнинг бурчимиз ва биз уни бир вақтнинг ўзида бажарамиз», - деди Галлант.

Исроил матбуоти аввалроқ Ҳизбуллоҳ террорчиларининг пейжерларининг кечаги портлашларидан сўнг Исроил мудофаа кучлари бригадалардан бирини Ғазодан Ливан билан чегарага ўтказгани ҳақида аввал хабар берган эди.