ЦАХАЛ 98-элита дивизиясини Ливан билан чегарадош ҳудудга жойлаштирди

ЦАХАЛ 98-элита дивизиясини Ғазо секторидан Ливан билан чегарадош ҳудудга “Ҳизбуллоҳ” ҳаракати билан жанговар ҳаракатларни авж олишига тайёргарлик кўриш мақсадида қайта жойлаштирди. Бу ҳақда Ynet хабар берди.

Портал маълумотларига кўра, 98-дивизия Шимолий қўмондонлик ҳудудидаги 36-дивизияга қўшилган.

Август ойи охирида Исроил армияси матбуот хизмати 98-дивизия бўлинмалари Ғазо секторининг жанубий ва марказий қисмларидаги "Хон Юнис ва Дайр ал-Бала ҳудудларида фаолиятни якунлагани" ва "кейинги миссияларга тайёрланаётгани" ҳақида хабар берган эди”