Тадбиркорга дилерликни ваъда қилган фирибгар ушланди

Бош прокуратура ҳузуридаги Департаментнинг Олтиариқ туман бўлими томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувда, фуқаро Қ.З. тадбиркор С.нинг ишончига кириб, унга “FLASH” энергетик ичимлиги дилерлигини ва катта миқдордаги ичимликларни олиб беришни ваъда қилиб, тадбиркорнинг 189,6 млн сўм ва 7 500 АҚШ долларини фирибгарлик йўли билан қўлга киритганлиги аниқланган.

Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.