Россиядаги шаҳарча фавқулодда ҳолат эълон қилди
Россия шаҳарчаси нефть иншоотидаги ёнғин туфайли фавқулодда ҳолат эълон қилди.
Душанба куни Россия жанубидаги Пролетарск шаҳрида маҳаллий ҳукумат фавқулодда ҳолат эълон қилди, чунки ўт ўчирувчилар ёқилғи сақланадиган омбордаги ёнғинга қарши иккинчи куни ҳам курашни давом эттирди.
Расмийларга кўра, якшанба куни эрталаб объект Украина учувчисиз самолёти томонидан урилган. Ижтимоий тармоқлардаги видеоларда Украинанинг шарқий чегарасидан 200 километр узоқликда жойлашган шаҳар тепасида улкан тутунни кўриш мумкин.
Ростов вилояти губернатори Василий Голубевнинг айтишича, ёнғинни ўчиришда 18 нафар ўт ўчирувчи жабрланган, бироқ «ёнғинни ўчириш ишлари давом этмоқда».
«Пролетарск туманида ёнғин содир бўлишидаги қийинчиликни инобатга олиб, юқори даражадаги огоҳлантириш режими фавқулодда ҳолатга айлантирилди», — деди у Телеграмъда ва ёнғинни ўчириш ишлари кучайтирилганини қўшимча қилди.
Украина президенти Владимир Зеленский фронт чизиғидан анча орқада жойлашган нишонларга берилган бундай зарбаларни Россиянинг Украинага қилган ҳужумлари учун «адолатли» жавоб деб атади.
