Россия ядровий синовларга тайёр
Россия Федерациясининг Архангелск вилоятидаги Новая Земля архипелагидаги марказий полигон зарурат туғилганда ядровий синовларни қайта бошлашга тайёр, деди унинг раҳбари Андрей Синитсин «Российская газета»га берган интервьюсида.
«Синов майдони тўлиқ миқёсдаги тест синовларини давом эттиришга тайёр. Тўлиқ тайёр. Лаборатория синов қурилмаси тайёр. Ходимлар тайёр. Агар буйруқ келса, исталган вақтда синовни бошлаймиз», деди у.
Синитсиннинг сўзларига кўра, полигонда потенциал дрон ҳужумларини қайтариш учун мунтазам машғулотлар ўтказилади ва объектнинг ўзи электрон уруш тизимлари билан қопланган.
«Биз ҳар хил турдаги таҳдидларни қайтаришга доимо тайёрмиз. Жумладан, оролга саботаж ва разведка гуруҳларининг кириб келиши», - дея тушунтирди у.
Ўтган шанба куни депутат Андрей Колесник Россия полигонида ядровий бомбани портлатишни таклиф қилди ва бу каби қуроллар таҳдидини дунёга эслатди.
17 центябр куни Новая Земля полигонининг ташкил топганига 70 йил тўлди. У ерда 1954 йилдан 1990 йилгача юздан ортиқ ядровий синовлар ўтказилган, бу СССР томонидан амалга оширилган барча ядровий портлашлар кучининг 94 фоизини ташкил этган.
СССР парчаланганидан кейин Россия ядро синовларини ўтказмади.
