ЖССТ: Дунёда ҳар 4-6 дақиқада бир киши илон чақиши оқибатида вафот этади

Жаҳон соғлиқни сақлаш ташкилоти маълумотларига кўра, ҳар 4-6 дақиқада дунёда бир киши илон чақиши оқибатида вафот этади.

Ташкилот қайд этишича, қурбонларнинг учдан биридан ортиғи 20 ёшгача бўлганлар, асосан фермер хўжаликлари ишчилари ва болалар.

Илон чақишининг аҳоли саломатлигига энг катта таъсири паст ва ўрта даромадли мамлакатларда тропик ва субтропик муҳитда, асосан Осиё, Африка ва Лотин Америкасида кузатилади, деди ЖССТнинг тартибга солиш ва дастлабки малака департаментининг техник ходими доктор Девид Уилямс Женевадаги матбуот анжуманида.