Сўнгги ойларда Пентагоннинг қурол-яроғ ва техника захиралари камайган

Сўнгги ойларда Пентагоннинг қурол-яроғ ва техника захиралари камайгани сабабли АҚШ Украинага ҳарбий ёрдам миқдорини камайтирди. Бу ҳақда CNN хабар бермоқда.

Манбаларнинг CNN'га маълум қилишича, Байден маъмуриятида Украина учун қурол ва ўқ-дорилар учун 6 миллиард доллар қолган, аммо Пентагон етказиб беришга тайёр бўлган захираларга эга эмас.

2024 йил апрел ойида Пентагон Украинага 1 миллиард долларлик ҳарбий ёрдам пакетини эълон қилган эди. Ўшандан бери ҳар бир пакетнинг нархи сезиларли даражада камайтирилди, улар 400 миллион доллардан ошмади. Таққослаш учун, 2022 ва 2023 йилларда мунтазам ҳарбий ёрдам миқдори 600-800 миллион долларни ташкил этган бўлса, энг катта пакет – 2,85 миллиард доллар 2023 йил январида ажратилган эди.