Қизиқарли кадр: мўйлови йўқ Лукашенко (ФОТО)

Интернетда Беларусь президенти Aлександр Лукашенконинг мўйловсиз фотосурати пайдо бўлди, деб хабар бермоқда "Комсомолская правда". Қизиқарли кадр давлат раҳбарининг расмий сайтида эълон қилинди.

Таъкидланишича, Лукашенконинг расмий веб-сайти 9 февраль куни янгиланган, шундан сўнг унда бир нечта янги бўлимлар пайдо бўлган. Энди одамлар Белорусия раҳбарининг шахсий ҳаёти ҳақида кўпроқ билиб олишлари мумкин.

Маълум қилинишича, Беларусь президентининг учта фарзанди ва етти набираси бор, унинг рафиқаси Галина ёки унинг кенжа ўғли Николайнинг онаси ҳақида маълумот йўқ.