ОАВ: Ноябрь ойидан бери Қўшма Штатлар Яманда учта MQ-9 Reaper дронини йўқотди
АҚШ ҳарбийлари 2023 йил ноябридан бери Яман устидан учта MQ-9 Reaper учувчисиз самолётини йўқотди.
Бу ҳақда CBS телекомпанияси манбаларга таяниб хабар берди.
Уч учувчисиз учоқнинг охиргиси шу ҳафта Яман қирғоқлари яқинида қулаб тушди, деди АҚШ расмийси. Ҳалокат сабаблари ҳозирча ўрганилмоқда, бироқ Америка томони уни Яман ҳусий исёнчилари уриб туширган бўлиши мумкинлигини истисно этмаяпти.
Ноябрь ва декабрь ойларида яна иккита MQ-9 Reaper дронлари йўқолганди. АҚШ Конгресси тадқиқот хизмати маълумотларига кўра, ҳар бир қурилманинг нархи тахминан 30 миллион долларга баҳоланган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
