Мянма ўрмонларида ёш кўнгиллилар хунтага қарши курашиш учун қаттиқ тайёргарлик ўтказмоқда

Мянма шарқида исёнчилар назорати остида қолган ҳудуддаги зич бамбук ўрмонида асосан йигирма ёшлардаги 100 дан ортиқ ёшлар қаттиқ ҳарбий машғулотлардан ўтмоқда.

Собиқ ошпазлардан тортиб, собиқ журналистлар, репперлар ва шоирларгача, жамиятнинг турли қатламлари вакиллари қаршилик ҳаракатига ягона мақсад билан қўшилишди: 2021 йилда ушбу давлатда ҳокимиятни эгаллаб олган ҳарбий тузумни ағдариш.

1948 йилда Британиядан мустақилликка эришган Мянма узоқ вақтдан бери армия назоратида эди. Нобел мукофоти совриндори Аунг Сан Суу Кйи ҳукуматини ағдарган 2021 йилги давлат тўнтариши билан фуқаролик бошқарувининг қисқа умри тугади.

“Мураббийим менга бир аскар фронтга кетса, битта ўқ отилганини айтади. Аммо 100 талаба кетса, бу 100 та ўқ дегани, - дейди Ма Чел — «Бу мени илҳомлантиради ва ғурурлантиради».

Ҳарбий тайёргарликдан ташқари, бу аскарлар сиёсий таълим ҳам олмоқда.