«Мен ёлғиз яшайман. Қизим узоқда яшайди. Чиқишнинг иложи йўқ эди»

DW мухбири Ник Конолли Украина ҳарбийлари билан Россия чегарасида жойлашган Курскдаги Суджа шаҳрига қисқа сафар қилди.

Ҳудудда қолиб кетганлар асосан қариялар ёки қарияларга ғамхўрлик қиладиганлар

Ўзини Нина деб таништирган бир аёлнинг айтишича, унга ҳеч қачон эвакуация қилиш имконияти берилмаган ва у қочиб кетган одамлар буни мустақил равишда, ўз машиналарида қилганини айтади.

«Мен ёлғиз яшайман. Қизим узоқда яшайди. Чиқишнинг иложи йўқ эди. Мен кекса дугонамга қараётдим, у касал эди — мен уни шунчаки ташлаб кетолмадим. У кеча вафот этди, бугун уни дафн қилдик», - дейди Нина.

Яна бир аёлнинг айтишича, бир кун аввал у ертўлада жон сақлаётганда унинг уйи вайрон бўлган, катта эҳтимол билан артиллериядан ўққа тутилган.

Суджалик эмаслигини, аммо уруш бошланган куни шаҳарга иш билан келганини айтган ўрта ёшли Олег у ерда қамалда қолган эди.

"Биз нима бўлаётганини тушунмадик. Мен ўшандан бери шу ердаман. Ота-онам қишлоққа қайтишди, улар 84 ва 83 ёшда. Уларга нима бўлганини билмайман ва улар ҳам Менга нима бўлганини билишмайди, - деди у.

Конноли маҳаллий аҳоли билан гаплашгандан сўнг, украиналик аскар Дмитрашкивский ноутбукини олиб, уларга Киев яқинидаги Буча шаҳрида олинган, рус қўшинлари ҳарбий жиноятларда айбланаётган видеони кўрсата бошлади.

Кўп ўтмай, Украина қўшинлари Коноллига кетиш вақти келди айтди ва унинг қисқа ташрифи якунига етди.