МАГАТЭ йил охиригача ЗАЭС атрофида демилитаризация зонасини яратишга умид қилмоқда

МАГАТЭ йил охиригача ЗАЭС атрофида демилитаризация зонасини яратишга умид қилмоқда

Бу ҳақда Атом энергияси бўйича халқаро агентлик бош директори Рафаэл Гросси маълум қилди.

«Менинг вазифам имкон қадар тезроқ ечим топишдир. Умид қиламанки, йил охиригача», деди Гросси жума куни чоп этилган Италиянинг La Republica газетасига берган интервьюсида. «Мен Путин жараённи кузатиб бораётганини биламан, яқин келажакда у билан ва Украина президенти Зеленский билан яна бир учрашув бўлишини истисно этмайман», — дея қўшимча қилди у.

Гросси бир неча бор ўққа тутилган ЗАЭС атрофида демилитаризация зонасини яратишга ҳаракат қилмоқда. Унинг сўзларига кўра, урушаётган иккала томон ҳам АЭС ҳудудини ўққа тутмаслик ва унинг ҳудудидан ўт очмаслик ҳақида принтсипиал келишиб олган.

«Россия келишувга ва заводни ҳимоя қилиш тамойилига қарши эмас», - дейди Рафаэл Гросси. «Заводдан қурол-яроғнинг олиб чиқилиши - аниқ сабабларга кўра украиналиклар талаб қилаётган нарса. Ва ҳар ҳолда, бу умумий келишувнинг бир қисми бўлади», - дея қўшимча қилди МАГАТЭ раҳбари.

Гросси айтганидек, МАГАТЭнинг вазифаси Запороже атом электр станциясидаги ҳодисанинг олдини олиш, у ёки бу томон учун фойдали бўлган ҳарбий вазият яратишга интилмасликдир.

Запороже АЭС Европадаги энг йирик атом электр станцияси бўлиб, у олтита ВВEР-1000 энергоблокига эга. 2022 йил 28 февралдан бошлаб ЗАЭС Россия армияси назорати остида.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!