Копа Америка. Аргентина кейинги босқич масаласини ҳал қилди

Америка Кубоги-2024 2-туридан ўрин олган Чили ва Аргентина терма жамоалари ўртасидаги учрашув якунига етди. Аргентиналиклар 1:0 ҳисобида зафар қучди.

Ушбу ғалаба Аргентина терма жамоасига гуруҳ босқичининг икки туридан сўнг гуруҳдан чиқиш ҳуқуқини қўлга киритди. Амалдаги Жаҳон чемпионлари “А” гуруҳида олти очко билан пешқадамлик қилмоқда, уч очко билан Канада иккинчи ўринда бормоқда. Перу ва Чили терма жамоаларида биттадан очко бор.

Шундай қилиб, Аргентина терма жамоаси Перу термаси билан 3-тур учрашувида йирик мағлубиятга учраган тақдирда ҳам энди иккинчи ўриндан пастга тушмайди.