Кличко: Жошуа Фюрини мағлуб этади

Собиқ оғир вазн тоифаси чемпиони Владимир Кличко британиялик рақиблар ўртасидаги потенциал блокбастер жангида Энтони Жошуа Тайсон Фюрини мағлуб этади деган фикрда.

Жанг ҳақидаги ўз фикрлари билан ўртоқлашар экан, фаолиятининг сўнгги паллаларида иккала спортчи билан ҳам жанг қилган украиналик афсона, Жошуанинг жисмоний жиҳатлари ва спортдаги юксалишини таъкидлаб, Фюри устидан ғалаба қозонишига ишонч билдирди.

“У мукаммал жангчига айланмоқда. Техник жиҳатдан, ўлчам бўйича, вазн бўйича, қувват бўйича. Ва у яхши ўрганувчи", деди у.

2015 йилда Фюрига баҳсли қарор билан ва 2016 йилда британиялик-нигериялик боксчига нокаут туфайли мағлуб бўлган Кличко Фюрининг узоқ муддатли интизомига шубҳа билдирди.