ЖССТ маймунчечак билан курашиш учун миллионлаб доллар сўрамоқда
Одамлар орасида маймунчечак тарқалишига қарши курашиш учун ЖССТ учун яқин олти ой ичида тахминан 135 миллион доллар ажратиш керак, деди ташкилот бош директори Тедрос Адҳаном Гебреесус.
«Маймунчечак эпидемиясини имкон қадар тезроқ тўхтатиш учун, бизнинг дастлабки ҳисоб-китобларимизга кўра, касалликнинг ўткир босқичида кейинги олти ой ичида тахминан 135 миллион доллар керак бўлади», деди Гебреесус.
«Маймунчечак эпидемиясига қарши курашиш халқаро ҳамжамият томонидан ҳар томонлама ва мувофиқлаштирилган ишни талаб қилади», деди у.
14 август куни Жаҳон соғлиқни сақлаш ташкилоти дунёнинг бир қанча мамлакатларида маймунчечак касаллиги тарқалиши сабабли соғлиқни сақлаш соҳасида фавқулодда ҳолат эълон қилди.
Маймунчечак - марказий ва ғарбий Африканинг чекка ҳудудларида кенг тарқалган кам учрайдиган юқумли касаллик. Унинг белгилари кўнгил айниши, иситма, тошма, қичишиш ва мушак оғриғи. Енгил ҳолатларда касаллик одатда ўз-ўзидан ўтиб кетади ва 14 дан 21 кунгача давом этади.
