Фаластин тарафдорлари Нетаняхунинг Конгрессдаги нутқига қарши Вашингтонда митинг ўтказди
Вашингтонда Исроил Бош вазири Биньямин Нетаняхунинг АҚШ Конгрессидаги нутқига қарши оломон митинг бошлади.
Маҳаллий полициянинг хабар беришича, митингда 50 мингга яқин одам қатнашиши мумкин. Шу сабабли, Нью-Йоркдан 200 га яқин одам маҳаллий полицияга ёрдам бериш учун келган.
Митинг ташкилотчилари Капитолий яқинидаги Пенсилвания авенюсида саҳна ўрнатишди. Йиғилганлар қўлларида Фаластин байроқлари ва Нетаняхунинг ҳибсга олинишини талаб қилган шиорлар кўтарган. Келганлар, шунингдек, Қўшма Штатлар Исроилга ҳарбий ёрдамни тўхтатишни талаб қилмоқда.
Ташриф давомида Нетаняху АҚШ президенти Жо Байден ва вице-президент Камала Харрис билан алоҳида учрашувлар ўтказиши кутилмоқда. Жума куни эса у Республикачилар партиясидан президентликка номзод Дональд Трамп билан учрашиши мумкин.
