Европада «ишончли маълумот» бор
Европа Иттифоқи Эрон Россияга баллистик ракета юборганини «ишончли маълумот» деб ҳисоблайди.
Европа Иттифоқи Эрон Россияга баллистик ракеталар етказиб берганига оид далилларга эга эканлигини ва етказиб бериш тасдиқланса, янги санкциялар қўлланилишидан огоҳлантирганини айтди.
«Биз иттифоқчилар томонидан Эрон баллистик ракеталарини Россияга етказиб бериши бўйича ишончли маълумотлардан хабардормиз», — деди Европа Иттифоқи матбуот котиби Питер Стано.
«Биз буни аъзо давлатлар билан батафсил кўриб чиқмоқдамиз ва агар тасдиқланса, бу етказиб бериш Эроннинг Россиянинг Украинага қарши ноқонуний босқинчилик урушини қўллаб-қувватлашини сезиларли даражада кучайтиради».
«Европа Иттифоқи раҳбарларининг якдил позицияси ҳар доим аниқ бўлиб келган. Европа Иттифоқи тезкор ва халқаро ҳамкорлар билан мувофиқлашган ҳолда жавоб қайтаради, жумладан, Эронга қарши янги ва муҳим чеклов чоралари».
Жума куни Wall Street Journal газетасининг ёзишича, Қўшма Штатлар Европа иттифоқчиларига Эрон Россияга қисқа масофали баллистик ракеталарни етказиб бергани ҳақида маълумот берган.
Кремль раддия эълон қилмаган ва Эрон ҳамкор эканини айтган бўлсада, Теҳрон бу хабар ҳақиқатга тўғри келмаслигини айтди.
«Биз Эроннинг урушнинг бир томонига қурол экспорт қилишдаги роли ҳақидаги даъволарни қатъиян рад этамиз», деди ташқи ишлар вазирлиги матбуот котиби Носир Канани ҳафталик матбуот анжуманида.
Россия 2022 йил февралида Украинада уруш бошлаганидан бери Теҳрон ва Москва яқинлашди, Эрон ўзининг Шаҳед дронларини Россия ҳарбийларига етказиб берди.
