Европа Иттифоқи Украинага ҳарбий инструкторлар юбориш масаласини муҳокама қилмоқда — Welt am Sonntag
Нашр манбаларга таяниб, Европа Иттифоқи мамлакатлари мудофаа ва ташқи ишлар вазирлари келаси ҳафтада бу масалани муҳокама қилишларини маълум қилди. Якуний қарор ноябр ойидан кечиктирмай қабул қилиниши кутилмоқда. Бундан олдин инструкторлар Украина армиясини фақат Европа Иттифоқида, асосан Полша ва Германияда тайёрлаган.
Шунингдек, газетанинг ёзишича, ҳозир Брюсселда расмийлар ўртасида махфий ҳисобот тарқатилмоқда, бу муҳокама учун асос бўлади. Ҳисобот муаллифлари европалик ҳарбий инструкторларни Украинага жўнатишнинг афзалликларини санаб, Россия Федерациясининг мумкин бўлган "кескин реакцияси" ва европалик инструкторларга зарба берилиши ҳақида огоҳлантирадилар.
Украинага инструкторларни юбориш Франция, Польша, Дания, Швеция ва Болтиқбўйи мамлакатлари томонидан қўллаб-қувватланмоқда. Германия, Австрия, Словения, Венгрия ва Малта бунга қарши.
