Дана Уайт Макгрегорнинг жанги бекор бўлганига муносабат билдирди

UFC президенти Дана Уайт Конор Макгрегорнинг Майкл Чендлер билан жанги бекор қилинишига муносабат билдирди.

"Бу бизнес ва шунақаси ҳам бўлиб туради. Конор Макгрегор тикланиб, тайёр бўлмагунича, бу жанг ҳақида гапирмайман. У соғлиғини тиклаб олганидан сўнг вазиятга қараймиз ва нима қилиш мумкинлигини кўриб чиқамиз", - деди Дана Уайт.

Эслатиб ўтамиз, Конор Макгрегор 29 июнь куни UFC 303 турнирида Майкл Чендлерга қарши жанг қилиши керак эди. Лекин Конор жароҳат сабаб ушбу баҳсда иштирок эта олмайдиган бўлди.