АҚШда аёлларга камроқ маош тўлагани учун Apple компанияси судга берилди

“Apple” Калифорниядаги аёл ишчиларга камроқ маош тўлаганликда айбланди. Бу ҳақда “Реутерс” нашри хабар берди.

Сан-Франциско штат судига “Apple"да ўн йилдан кўпроқ вақт давомида ишлаган икки аёл томонидан берилган даъвода компания муҳандислик, маркетинг ва “AppleCаре” бўлимларида аёлларга мунтазам равишда кам маош тўлаётгани айтилади.

Уларга кўра, Калифорнияда ишлайдиган 12 минг аёл эркакларникига қараганда камроқ маош олади.

Даъвода айтилишича, “Apple” ходимларнинг бошланғич маошларини аввалги даромадлари ва ходимлар кутганларига қараб белгилайди.

Бу аёлларнинг иш ҳақининг камайишига олиб келади. Шунингдек, бонусларни бериш бўйича иш фаолиятини баҳолаш тизими эркаклар фойдасига холис эканлиги қайд этилган.

Даъвогарларнинг фикрича, “Apple"нинг тўловга бўлган ёндашуви икки жинс вакиллари ўртасидаги тафовутни кенгайтиради ва товон пулини талаб қилмоқда.

“2017 йилдан бери „Apple“ гендер тўловлари тенглигига эришди ва уни қўллаб-қувватлади ва ҳар йили биз ҳар бир жамоа аъзосининг умумий маошини кўриб чиқиш ва тўлов тенглиги давом этишини таъминлаш учун зарур ҳолларда тузатишлар киритиш учун мустақил учинчи томон эксперти билан ишлаймиз”, — дейилади компания хабарида.