Анчелотти "Реал"ни тарк этишга қарор қилган футболчига мурожаат қилди

Мадриднинг “Реал” клуби бош мураббийи Карло Анчелотти Начо Фернандеснинг жамоани тарк этиши ҳақида фикр билдирди. Сешанба куни расман эълон қилинганидек, "Лос Бланкос" сардори ўзининг клубдаги сўнгги мавсумини ўтказди.

34 ёшли испаниялик тез орада Саудия Арабистонининг “Ал-Қодисия” клубига ўтиши кутилмоқда.

"Сиз "Реал"нинг ажойиб сардори эдингиз, лекин биринчи навбатда ажойиб мадридист эдингиз. Келажакда омад тилаймиз, Начо", - дея Карло Анчелотти сўзларини келтиради Madrid Zone.

Начо Фернандес фаолиятида илк бор “Реал”ни тарк этади. Ҳимоячининг асосий таркибдаги дебюти 2011 йилда бўлиб ўтган ва у барча турнирларда "қироллик клуби" таркибида 364 та ўйин ўтказган.