“Аббосбек Файзуллаев РПЛнинг безагига айланиб улгурди” — Борис Игнатьев

Россия терма жамоаси собиқ мураббийи Борис Игнатьев Аббосбек Файзуллаев ҳақида ўз фикрлари билан ўртоқлашди.

“‘ЦСКА’ Файзуллаевни олди. Балки улар Аббосбек учун ‘Зенит’ Малкомга сарфлаган пулчалик сарфламагандир. Лекин Файзуллаевни бразилиялик футболчидан ёмонроқ дея олмайман. Бу чинакам жиддий селекция, клубнинг профессионал иши бўлган.

Бунга қадар Аббосбекни кам одам танирди, лекин у РПЛга келди ва бошқалардан кучли эканлигини исботлади. Ўз маҳоратини кўрсатди. Файзуллаев лиганинг безагига айланиб улгурди”, — дейди Игнатьев.

Ўзбекистонлик футболчи Россия чемпионатида 13 та ўйин ўтказиб 2 та гол ва 4 та голли узатмага муаллифлик қилди.