70 000 дан ортиқ ҳалок бўлган рус аскарларининг шахси аниқланди

Мустақил рус ахборот сайти ва BBC Украинада уруш бошланганидан бери ҳалок бўлган 70 мингдан ортиқ рус аскари шахсини аниқлаганликларини айтди.

«Биз Украинада ҳалок бўлган 70 112 нафар россиялик аскарнинг исмларини аниқладик, бироқ уларнинг ҳақиқий сони бундан анча кўп экани тахмин қилинмоқда», — деди BBC рус хизмати.

Ҳисоблаш Россиянинг Медиазона ахборот портали билан ҳамкорликда тузилган. Рақамлар онлайн тармоқлардаги расмий баёнотлар, некролоқлар ва ўлим ҳақидаги хабарлар таҳлилига асосланган, шунингдек, Россиядаги қабристонлардаги қабрларни кузатишни ўз ичига олган.

Таҳлил даври 2022 йил февраль ойида Россия босқинининг бошланишидан 19 центябргача давом этди.

Ҳар икки томонда қурбонлар сонининг бошқа ҳисоб-китоблари рақамларнинг махфийлиги ва аниқ манбаларнинг йўқлиги сабабли ўзгарувчанлигини кўрсатди.

Wall Street Journal хабарига кўра, ҳар икки томондан жами ўлган ва яраланганлар сони 1 миллионни ташкил қилади. 80 мингга яқин украина аскари нобуд бўлгани ҳам айтилган.

Баъзи Ғарб разведка агентликлари бу сўнгги рақамни 200 мингга яқинлаштирди.