Россия Telegram'дан уруш қуроли сифатида фойдаланмоқда
Украина ҳукумат амалдорлари, ҳарбий хизматчилар ва бошқа мудофаа ва муҳим инфратузилма ходимларига давлат томонидан чиқарилган қурилмаларга машҳур Телеграм хабар алмашиш иловасини ўрнатишни тақиқлади.
Бу ҳаракат Россия билан уруш пайтида миллий хавфсизлик учун зарур деб таърифланган.
Иловадан расмий вазифалари доирасида фойдаланадиган одамларга тақиқдан истисно берилади. Украиналиклар эса иловадан шахсий қурилмаларида фойдаланишлари мумкин.
Илова Украинада нафақат матнли хабарлар, балки янгиликларни, жумладан, Россия ҳаво ҳужумлари ҳақидаги янгиланишларни ўқиш учун ҳам кенг қўлланилади.
Украина Хавфсизлик хизмати ва Украина Қуролли кучлари Бош штаби пайшанба куни бўлиб ўтган учрашувда Телеграмъдан Россиянинг киберҳужумлари, фишинг, зарарли дастурларни тарқатиш, фойдаланувчиларнинг жойлашувини аниқлаш ва ракета зарбаларини калибрлаш учун фаол фойдаланилаётганини маълум қилди.
