34 ёшли эркак уйда уч кишини тириклай ёқиб юборганликда айбланмоқда
Россиянинг Олтой ўлкасида яшовчи шахс уйга қасддан ўт қўйгани учун қўлга олинди. Унинг қилмиши натижада уч киши ҳалок бўлган. Бу ҳақда Россия Тергов қўмитасининг Олтой ўлкаси бўйича тергов бўлимига таяниб, «ТАСС» хабар бермоқда.
«Рубтсовскда хусусий турар-жой биноларидан бирида ёнғин содир бўлди, уни ўчириш вақтида уч кишининг жасади топилди: уйнинг 36 ёшли бекаси, унинг 64 ёшли онаси ва уларнинг 34 ёшли таниши. Ўта оғир жиноятни содир этишда гумон қилиниб, уй бекаси билан бирга яшовчи, муқаддам судланган 34 ёшли шахс қўлга олинди», — дейилади хабарда.
Айни дамда воқеа юзасидан жиноят иши қўзғатилди.
Терговнинг дастлабки версиясига кўра, жанжалдан кейин эркак айвонга тез ёнувчи суюқлик сепиб, уни ёқиб юборган ва воқеа жойидан қочиб кетган. Ёнғинни пайқаган аёл икки фарзандини кўчага олиб чиқишга муваффақ бўлган, сўнг ёнғинни ўчиришга ва хонадаги одамларни қутқаришга уринган.
