Xodimlarini doimiy propiska qila oladigan tashkilotlar soni bittaga ko‘paydi

O‘zbekistonda yana bir tashkilot rahbari xodimini propiska qilish uchun iltimosnoma kirita oladigan bo‘ldi.

2020 yil 17 fevralda Hukumatning ayrim qarorlariga qo‘shimcha va o‘zgartirishlar kiritildi. Unga ko‘ra, endilikda rahbarlari xodimlarni Toshkent shahri va Toshkent viloyatida doimiy propiska qilish to‘g‘risida iltimosnoma kiritishi mumkin bo‘lgan davlat organlari va tashkilotlari ro‘yxatiga Prezident huzuridagi Davlat xizmatini rivojlantirish agentligi ham kiritildi, deya xabar qildi "Huquqiy axborot" kanali.