Xavi «Barsa»da klub elchisi sifatida qolishi mumkin

Xavi «Barselona» bosh murabbiyligidan ketganidan keyin ham klub tizimida qolishi mumkin.

Agar 44 yoshli mutaxassisning iste’fosi rostdan ham amalga oshsa, «ko‘k-anorranglilar» rahbariyati unga klub fondi elchisi lavozimini taklif qilmoqchi, deb xabar beradi Catalunya Radio.

Xavi avvalroq mavsum yakunida jamoani tark etishini e’lon qilgandi.

29-turdan keyin «Barsa» La Ligada «Real»dan 8 ochko ortda qolib, 2-o‘rinni egallab turibdi. Chempionlar Ligasining chorakfinalida «PSJ» bilan o‘ynaydi.