O‘zbekistonda yangi Equinox va Tracker sotuvga chiqdi. Narxlar e’lon qilindi

UzAuto Motors kompaniyasi Chevrolet Equinox va Tracker modellariga shartnomalar tuzish boshlanganini ma’lum qildi.

Qayd etilishicha, yangilangan Chevrolet Tracker LT va RedLine komplektasiyasi klimat-kontrol, haydovchi o‘rindig‘ida elektron boshqaruv va sun’iy teri bilan qoplangan o‘rindiqlari bilan avvalgi modellardan farqlanadi.

Chevrolet Tracker (2021 yil modeli)ning narxlari quyidagicha belgilangan (narxlar QQS bilan ko‘rsatilgan):

• boshlang‘ich komplektasiya – 166 899 500 so‘m;
• LT komplektasiya – 232 001 000 so‘m;
• RedLine komplektasiya – 240 000 400 so‘m.

Yangilangan Chevrolet Equinox RS komplektasiyasi to‘liq svetodiod optika, moslashuvchan kruiz-kontrol, orqa tarafdagi transport vositalarining harakati haqida ogohlantirish kabi funksiyalarga ega.

Chevrolet Equinox (2021 yil modeli) narxlari, QQS bilan:

• boshlang‘ich komplektasiya – 299 000 000 so‘m;
• RS komplektasiyasi – 414 000 000 so‘m.