O‘tgan yili 19 mingdan ziyod o‘zbekistonlik Rossiya fuqaroligini oldi

Rossiya Ichki ishlar vazirligi huzuridagi Migrasiya bosh boshqarmasi ma’lumotiga qaraganda, o‘tgan 2019 yilda 498 ming xorijlikka mazkur mamlakatning fuqaroligi berilgan. 

Rossiya fuqaroligini olganlarning asosiy qismi – qariyb 300 mingi ukrainalikdir. Shuningdek, 50,5 ming qozog‘istonlik, 44,7 ming tojikistonlik, 19,4 ming o‘zbekistonlik, 9,3 ming qirg‘izistonlik va 1,4 ming turkmanistonlik ham Rossiya pasportini olgan. 

O‘tgan yili 13,8 million xorijlik migrasiya ro‘yxatiga olingan, ulardan 5,5 millioni Rossiyaga ishlash uchun kelganini ma’lum qilgan. 1,77 million xorijlik ishlash uchun patent olgan.