Ukraina 254 nafar halok bo‘lgan askarning jasadini qaytardi

Ukraina 254 nafar halok bo‘lgan askarning jasadini qaytardi

Harbiy asirlarni davolash bo‘yicha Ukraina muvofiqlashtirish shtabiga ko‘ra, jasadlarni topshirish 14 iyun, juma kuni amalga oshirilgan.

Rossiya tomoni jasadlar almashinuvi haqida xabar bermadi.

Ukraina shtab-kvartirasi ma’lum qilishicha, halok bo‘lganlarning aksariyati – 221 kishi Donesk yo‘nalishida jang qilgan. Halok bo‘lganlarning 25 nafari Zaporojye sektorida, to‘rt nafari Lugansk sektorida jang qilgan. Yana to‘rt nafar jasad Rossiya hududida joylashgan o‘likxonalardan olib kelingan.

«Ukraina Qurolli kuchlari repatriasiya qilingan jasadlar va qoldiqlarni belgilangan davlat muassasalariga olib boradi. Huquq-tartibot idoralari vakillari, sud-tibbiyot ekspertlari jabrlanganlarning shaxsini aniqlaydi», — deyiladi shtab xabarida.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!