Turkiya Ukraina urushini katta xalqaro platforma to‘plash orqali muhokama qilishni taklif qilmoqda

Turkiya Ukraina inqirozini hal qilish uchun keng tinchlik platformasini shakllantirishni taklif qilmoqda. Bu haqda Tashqi ishlar vaziri Hakann Fidan Shushada bo‘lib o‘tgan Turkiy davlatlar tashkiloti sammitida ma’lum qildi.

«Ukrainadagi urush uch yildan beri davom etmoqda va proksi urushga aylanib bormoqda. Hozirgi strategik manzara shundan dalolat beradiki, mojaro tomonlari qurol-yarog‘ sonini ko‘paytirish va agressiv harbiy harakatlarni amalga oshirishdan boshqa ustuvor vazifalarga ega emas. Urushni tugatish manfaatlaridan kelib chiqib, doimiy tinchlikka erishish uchun barcha sa’y-harakatlar yanada kengroq asosda amalga oshirilishi kerak, deb hisoblaymiz. Keyingi qutblanishning oldini oladigan, yuqori darajadagi ishtirok va vakillikni ta’minlovchi hamda diplomatiyaga ustuvor ahamiyat beradigan tinchlik platformasini yaratish zarur», — dedi u.

Bundan tashqari, Turkiya tashqi ishlar vaziri turkiy davlatlar G‘azo sektoridagi falastinliklarga hamdardlik bildirmay qo‘ymasligini aytib, Isroil xalqaro huquqning aqlga sig‘maydigan har qanday qoidasini buzayotganini aytdi. U 7 oktabr kuni Xamas va G‘azo aholisi tomonidan sodir etilgan dahshatli terakt haqida gapirmadi.