Tergov Krokus Siti xolldagi terakt ishiga aloqador yana bir shaxsni hibsga olishni so‘ramoqda
Rossiya Tergov qo‘mitasi Krokus Siti xollidagi terakt bo‘yicha ish bo‘yicha to‘qqizinchi gumonlanuvchini hibsga olishni so‘ramoqda, deb xabar bermoqda Basmanniy sudi.
«Sudga tergov organidan Lutfulloi Nazrimodga nisbatan qamoqqa olish tarzidagi ehtiyot chorasini tanlash to‘g‘risida iltimosnoma kelib tushdi», — deya «Interfaks»ga sud matbuot xizmati xabar berdi.
Krokusga qilingan hujum bo‘yicha tergov doirasida yana bir shaxsning hibsga olingani bir kun avval ma’lum qilingan edi.
«Terrorizmni moliyalashtirish sxemasiga aloqador yana bir gumonlanuvchi aniqlanib, qo‘lga olindi. Tergov sudga unga nisbatan qamoqqa olish tarzidagi ehtiyot chorasini tanlash haqida iltimosnoma kiritadi», — deyiladi Tergov qo‘mitasi matbuot xizmati xabarida.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
