Shaxmat. Vakillarimiz individual bahslarda ham sovrindor bo‘ldi
Butunjahon shaxmat Olimpiadasida chempion bo‘lgan vakillarimiz individual bahslarda ham sovrindor bo‘ldi.
Biroz avval, shaxmat bo‘yicha O‘zbekiston delegasiyasi Butunjahon shaxmat Olimpiadasida oltin medallarni qo‘lga kiritgan edi. Xalqaro shaxmat federasiyasining xabar berishicha, Olimpiadada jamoaviy bahslardan tashqari individual natijalar bo‘yicha ham kurash ketadi.
Ushbu individual natijalar bo‘yicha Jahongir Vohidov 4-doskada o‘ynagan shaxmatchilar orasida oltin medalni qo‘lga kiritdi.
Nodirbek Abdusattorov esa 1-doskadagi shaxmatchilar orasida kumush medalni qo‘lga kiritdi. U hattoki shaxmat tojining amaldagi sohibi Magnus Karlsenni ham ortda qoldirdi. 1-doskada oltin medal hindistonlik Gukesh Dommarajuga nasib qildi. Kuni kecha Abdusattorovning o‘zi aynan shu ishtirokchini mag‘lubiyatga uchratgan edi.
