Rostov-Dondagi FXX binosiga o‘t ketdi
Rostov-Don shahridagi FXX chegara qo‘shinlari boshqarmasi binosida ro‘y bergan yong‘in oqibatida to‘rt kishi halok bo‘ldi, deya xabar bermoqda «161.ru» huquq-tartibot idoralaridagi manbasiga tayanib.
«Ikkinchi qavat qulagan va birinchi qavat vayronalari ostidan butunlay kuyib ketgan murdalar topilgan», — degan nashr manbasi.
Gazetaning yozishicha, yong‘in oqibatida besh kishi jabrlangan. Bu ma’lumot rasman tasdiqlanmagan.
Rostov viloyatidagi FXX chegara qo‘shinlari boshqarmasining xo‘jalik binosida yong‘in 16 mart kuni sodir bo‘lgan edi. Yong‘in maydoni 880 kvadrat metrni tashkil etdi. Guvohlarning aytishicha, bino yonib ketishidan oldin portlash ovozi eshitilgan.
Rostov viloyati gubernatori Vasiliy Golubevning aytishicha, dastlabki taxminlarga ko‘ra, yong‘inga bino ichidagi elektr simlarining qisqa tutashuvi sabab bo‘lgan. Keyinroq FXX garajidagi portlashga yonilg‘i-moylash materiallarining alangalanishi sabab bo‘lgani, natijada portlash sodir bo‘lib, binoning qisman vayron bo‘lgani haqida hisobot bergan.
