Rossiya armiyasi Pokrovskga hujum qilmoqda

Rossiya qo‘shinlari Pokrovskiy yo‘nalishi bo‘yicha hujumlarini davom ettirmoqda.

Ukraina armiyasi bosh shtabi ma’lumotlariga ko‘ra, harbiy to‘qnashuvlarning chorak qismi Pokrovskiy yo‘nalishida sodir bo‘lmoqda. Donesk viloyatidagi Grodovka, Novogrodovka va Mixaylovka aholi punktlari uchun shiddatli janglar ketmoqda.

* * *

Donesk viloyatining Pokrovsk shahri Ukrainadagi eng muhim temir yo‘l ta’minoti yo‘nalishlari chorrahasida joylashgan. U Ugledardan mintaqa shimoligacha bo‘lgan Ukraina mudofaa ta’minoti liniyasining asosini tashkil qiladi.

Bu haqda Avstriya armiyasi zobiti, harbiy tarixchi, Venadagi Teresen harbiy akademiyasi tadqiqot bo‘limi boshlig‘i, polkovnik Markus Raysner Deutsche Welle (DW) nashriga ma’lum qildi. Uning so‘zlariga ko‘ra, rus qo‘shinlarining bu hududda tez oldinga siljishi Avdeevkani qo‘lga kiritgandan keyin mumkin bo‘lgan.

Avdeevka qal’a edi va fevral oyidan boshlab bu vazifani Pokrovsk o‘z zimmasiga oldi. Biroq, endi ruslar ikkita mudofaa chizig‘ini yorib o‘tib, eng himoyalangan bo‘lsa ham, oxirgi chiziqqa yaqinlashmoqda.

Shahar atrofidagi murakkab harbiy vaziyat qisman ruslar markazga zarar yetkazish uchun shaharning o‘zini nazorat qilishlari shart emasligi bilan bog‘liq. Artilleriya ta’minoti yo‘llarini nazorat qilish uchun uning atrofiga yaqinlashish kifoya.