Rim papasi shifoxonaga tushib qoldi

Rim papasi Fransisk shifoxonaga yotqizildi. U tibbiyot muassasasida tekshiruv amaliyotlaridan o‘tadi.

Bu haqda papaning matbuot kotibi Matteo Bruniga asoslanib Reuters axborot agentligi xabar tarqatgan.

Agentlik ma’lumotlariga ko‘ra, 86 yoshga to‘lgan Rim papasi 29 mart kuni haftalik umumiy auditoriya yig‘ilishida ishtirok etgan va sog‘lom tarzda namoyon bo‘lgan.

Eslatib o‘tamiz, papa Fransisk 1936 yilda Argentina poytaxti Buenos-Ayresda tug‘ilgan. Katoliklarning yuqori lavozimiga esa 2013 yilda o‘tirgan.