«Real» ukrainalik darvozaboniga ultimatum qo‘ydi

«Real Madrid» Andrey Luninga ultimatum qo‘ydi.

Agar ukrainalik darvozabon 30 iyunga qadar shartnomani uzaytirishga rozi bo‘lmasa, madridliklar uni transferga qo‘yadi. «Qirollik klubi» 25 yoshli darvozaboni 40 million yevroga sotishga tayyor.

Ma’lumot uchun, Lunin o‘tgan mavsum «Real Madrid» safida 31 ta uchrashuvda maydonga tushdi. Uning amaldagi shartnomasi kelasi yilning yoziga qadar mo‘ljallagan.

Unga avvalroq Madridning boshqa bir jamoasi «Atletiko» jiddiy qiziqish bildirayotgani xabar qilingandi.