Qrimda gaz quvuri portladi

Qrimning Alushta shahri yaqinidagi Vinogradnoye qishlog‘idagi gaz quvurida avariya yuz berdi va yong‘in boshlandi.

Favqulodda vaziyatlar vazirligi xabariga ko‘ra, yong‘in o‘rmon hududiga tarqalib, deyarli 4200 kv.m maydonni egallagan. Yong‘inni o‘chirishga 90 nafar mutaxassis va 26 texnika jalb qilingan. Qishloq zarar ko‘rmagan, deya xabar beradi departament.

Oleg Kryuchkov voqea sabotaj natijasida emas, balki texnik sabablarga ko‘ra sodir bo‘lganini da’vo qilmoqda. Avariya tufayli 14 ta aholi punkti gazsiz qolgan.