Prezident maslahatchisi o‘rinbosari Shuhrat Atabayevning Xalq banki boshqaruvi raisi lavozimiga tayinlangani tasdiqlandi

Xalq banki nafaqat tijorat, muhim ijtimoiy funksiyasi mavjud bo‘lgan moliya muassasalaridan biri bo‘lib, o‘zbek nomenklaturasi tili bilan aytganda, og‘ir uchastka. U nafaqat bank faoliyatini amalga oshirishi kerak, balki tegishli infrastrukturaga ega tizim sifatida pensiya ta’minotini yetkazishi va sosial vazifani bajarishi lozim.

Shu sababli bank mamlakatning eng uzoq nuqtasida ham, daromad keltirishi yoki keltirmasligidan qat’i nazar, o‘z ofisiga ega bo‘lishi kerak. Bundan tashqari, 10 ming yaqin personali bilan ham katta armiyaga ega, isloh etilishi kerak bo‘lgan bank tizimlaridan biri.

Bank transformasiya qilinishi, idealda Rossiyaning Sber banki singari innovasion, serdaromad va ilg‘or, trend yaratadigan bankka aylanishi lozim. Bundan oldingi tayinlovda ham xuddi shu umidni bildirgan edik.