Olti oyda davlat byudjetiga 25,5 trln so‘m miqdorida bojxona to‘lovlari undirildi

2023 yilning 1 yarim yilligida Davlat byudjetiga 25,5 trln so‘m miqdorida bojxona to‘lovlari undirildi. Bu haqda AOKAda o‘tkazilgan brifingda Bojxona qo‘mitasi axborot xizmati rahbari Nurbek Salomov ma’lum qildi.

Tadbirkorlik faoliyatini qo‘llab-quvvatlash maqsadida 6,5 mingdan ortiq tashqi iqtisodiy faoliyat qatnashchilariga 24,7 trln so‘m miqdorida bojxona to‘lovlaridan imtiyoz va tarif preferensiyalari qo‘llanildi.

Shuningdek, ushbu davr mobaynida tadbirkorlarga 4 trln so‘m miqdoridagi bojxona to‘lovlarini kechiktirib to‘lashga ruxsat berildi.

Imtiyoz va preferensiyalar, kechiktirishga ruxsat berilgan bojxona to‘lovlarining miqdori o‘tgan yilning shu davriga nisbatan 11 foizga yoki 2,9 trln so‘mga oshdi.

Tadbirkorlarga berilayotgan ushbu imtiyozlar ularning aylanma mablag‘larini ortishiga, yangi ish o‘rinlari yaratilishi hamda korxonalarning eksport salohiyati yuksalishiga xizmat qilmoqda.

Tizimda raqamli bojxona tamoyilini keng joriy qilish hamda tadbirkorlarga qo‘shimcha qulayliklar yaratish maqsadida “Bojxona to‘lovlarini kechiktirib yoki bo‘lib to‘lash”, “Tashqi iqtisodiy faoliyat ishtirokchilarining pul mablag‘larini qaytarish” interaktiv xizmatlari amaliyotga kiritildi.

Bojxona organlariga xalqaro kuryerlik jo‘natmalariga oid elektron ma’lumotlar taqdim etilishini ta’minlash maqsadida “E-tranzit” dasturi doirasida “E-tijorat” moduli ishlab chiqildi.

Tovarlarni bojxona ekspertizasidan o‘tkazish jarayonlarini raqamlashtirish maqsadida, “E-ekspert” axborot tizimi amaliyotga joriy etildi.

O‘tgan yilning shu davriga nisbatan tashqi savdo aylanmasi 20 foizga yoki 4 mlrd dollarga, harakatlangan avtotransport va temir yo‘l vagonlari soni 49 foizga yoki 640 mingtaga, yo‘lovchilar soni 2,5 barobarga yoki 12,5 mln nafarga ortgan bo‘lsada, sohani raqamlashtirish hisobiga:

Sohaga 2,8 mln doll. miqdoridagi grantlar jalb qilinib, bojxona ob’ektlari zarur nazorat-texnik vositalari bilan ta’minlandi.

Xavflarni boshqarish va yashirin iqtisodiyotga qarshi kurashish, aholi sog‘ligi va xavfsizligini ta’minlash maqsadida bojxona organlari tomonidan ushbu davrda jami 9 915 ta qonunbuzarlik holatlari aniqlanib, 496 mlrd so‘mlik tovarlarning noqonuniy aylanmasiga chek qo‘yildi.

Shuningdek, bojxona organlari tomonidan hududlarni ijtimoiy-iqtisodiy rivojlantirish, aholi turmush darajasini yaxshilash borasidagi amaliy ishlar izchillik bilan davom ettirilmoqda.

Xususan, Tibbiy-ijtimoiy muassasalarning moddiy-texnik bazasi va infratuzilmasini yaxshilash maqsadida Toshkent shahri, Farg‘ona, Jizzax

va Sirdaryo viloyatlaridagi 6 ta “Saxovat” va “Muruvvat” internat uylarida mukammal ta’mirlash hamda rekonstruksiya ishlari davom ettirilmoqda.

Respublikamiz miqyosida qayta tiklanuvchi energiya manbalari joriy etilishini nazorat qilish yo‘nalishida Davlatimiz Rahbarining 2023 yil 16 fevraldagi 57-son qarori ijrosini ta’minlash maqsadida:

Energetika va Qurilish vazirliklari, Bojxona qo‘mitasi rahbarlaridan iborat Respublika shtabi hamda quyosh panellarini o‘rnatish ishlarini muvofiqlashtirish bo‘yicha bojxona xodimlaridan iborat ishchi guruhlari tashkil etilib, 37 mingga yaqin ob’ektlar monitoring qilindi.

Quyosh panellarini o‘rnatish va bu borada haqqoniy hisobotlar yuritilishini ta’minlash maqsadida bojxona organlari tomonidan “Yashil energiya” axborot tizimi ishlab chiqildi.

Ushbu axborot tizimida joriy yilda qurib foydalanishga topshiriladigan ko‘p qavatli uylar, ijtimoiy soha ob’ektlari va davlat idoralari binolari, aholi xonadonlari hamda tadbirkorlik sub’ektlarining bino va inshootlarida bugungi kunga qadar o‘rnatilgan umumiy quvvati 211,8 MVtni tashkil etuvchi muqobil energiya manbalari to‘g‘risidagi ma’lumotlar qayd etildi.