NATO davlatlari kelishuvga erishdi: harbiy xarajatlar 5% YAIMgacha oshiriladi

Chorshanba kuni NATOga a’zo mamlakatlar 2035 yilgacha harbiy xarajatlarni yalpi ichki mahsulot (YAIM)ning 5% gacha oshirish haqida kelishib oldilar. Bundan tashqari, ular kollektiv mudofaa prinsipiga sodiqligini yana bir bor tasdiqladilar — "bir davlatga hujum hammasiga hujum deb hisoblanadi".

3,5% YAIM — mudofaa ehtiyojlari uchun minimal sarmoya etib belgilandi.

• 1,5% YAIM — xavfsizlik bilan bog‘liq xarajatlar, jumladan, tanqidiy infratuzilmani muhofaza qilish va mudofaa-sanoat salohiyatini kuchaytirishga ajratiladi.

Bu yangi ko‘rsatkichlar hozirgi 2% YAIM miqdoridagi maqsaddan ancha yuqori va yangi geosiyosiy sharoitda NATOning modernizasiyaga bo‘lgan ehtiyojini aks ettiradi.

NATO rahbarlari bu investisiyalar kerakligini jiddiy xavfsizlik tahdidlari bilan izohladi. Alohida urg‘u:

• Evroatlantika xavfsizligi uchun Rossiya tomonidan kelayotgan uzoq muddatli xavf

• Terrorizmning doimiy tahdidi

🇺🇦 Ukrainaga yordam — ammo a’zoliksiz

Ittifoq davlatlari Ukrainaga uzoq muddatli suveren yordam berish majburiyatini tasdiqladi, ammo sammit deklarasiyasida Ukrainaning NATOga a’zolik istiqbollari tilga olinmadi. Bu avvalgi sammitlarda aytib o‘tilgan edi.

Qo‘shimcha xarajatlar bo‘yicha progress 2029 yili qayta ko‘rib chiqiladi.

Bu qaror, NATOning Rossiyaning harbiylashuvi va global xavfsizlik sharoitida o‘z salohiyatini yangilashga bo‘lgan jiddiy munosabatini ko‘rsatadi.