Moskva aeroportida uch nafar samarqandlik 44 kg isiriq bilan ushlandi

Domodedovo aeroportida bojxonachilar Samarqanddan kelgan 3 nafar yo‘lovchining bagajidan 44 kg isiriq ushlab qolishgan.

Ma’lum qilinishicha, isiriq tarkibida Rossiya Federasiyasida muomalasi cheklangan giyohvandlik moddasi bo‘lgan "harmin" borligi aniqlangan.

Tekshiruv tadbirlari davom etmoqda.

Rossiya Federasiyasi Jinoyat kodeksining 229.1 (Giyohvand moddalarni YEOII bojxona chegarasi orqali noqonuniy olib o‘tish) moddasida bir million rublgacha jarima yoki 3 yildan 7 yilgacha ozodlikdan mahrum qilish jazosi nazarda tutilgan.