Kelasi hafta yetti viloyatda qor yog‘adi

Gidrometeorologiya xizmati bergan ma’lumotga ko‘ra, kelasi hafta boshida O‘zbekistonda havo harorati pasayadi, ayrim hududlarda qor yog‘ishi kutiladi.
 
Sinoptiklar 16-17 oktyabr kunlari Samarqand, Sirdaryo, Jizzax, Toshkent viloyatlari hamda Toshkent shahrida havo harorati kechasi 0...+5 darajagacha, kunduzi +12...+17 darajagacha tushib ketishini ta’kidlayapti. Ushbu hududlarda 15 oktyabr kuni yomg‘ir yog‘ib, keyinroq qorga aylanishi mumkin.
 
Shuningdek, Farg‘ona vodiysida ham havo harorati pasayib, kechasi +3...+8, kunduzi +10...+15 daraja bo‘ladi. Yomg‘ir yog‘ib, ayrim joylarda qorga aylanish ehtimoli bor.
 
Respublikaning qolgan hududlarida havo harorati kechasi +5...+10, kunduzi +15...+20 daraja atrofida bo‘ladi.

Manba: qalampir.com