Italiyada 18 qavatli bino butunlay yonib ketdi (VIDEO)

Milanning janubiy chekkasida kuchli yong‘in sodir bo‘ldi. Reuters manbasiga ko‘ra, 18 qavatli turar-joy binosi butunlay yonib ketdi.

Guvohlarning so‘zlariga ko‘ra, 15-qavatda boshlangan yong‘in tezda binoning tashqi qoplamasidan o‘tib ketgan.

Xabar qilinishicha, o‘t o‘chiruvchilarga qalin tutun va binoning yonida turgan bir nechta mashinalar yonib ketgan qizg‘ish qoplama bo‘laklari to‘sqinlik qilgan.

Yong‘in natijasida qurbonlar yo‘q, lekin tutundan zaharlangan bir nechta jabrlanganlar bor.

"Yong‘in sabablari hali aniqlanmagan, ammo ko‘rinib turibdiki, yong‘inning tez tarqalishi binoning issiqlik qoplamasi tufayli sodir bo‘lgan", — dedi Rim ichki ishlar vazirligi rasmiysi Karlo Sibia.

Bino tuzilishini tekshirgan mutaxassislarning fikriga ko‘ra, binoning yaqin orada qulashi ehtimoli o‘ta yuqori: yong‘in metall ramkaga jiddiy zarar yetkazgan. Binoning qulashi qo‘shni uylarga xavf tug‘diradi, shuning uchun qutqaruvchilar aholini evakuasiya qilgan.