Isroil Turkiyaning qaroridan bezovta bo‘lmoqda

Anqara Yevropaning yetakchi davlatlari hamkorligida ishlab chiqarilgan Eurofighter Typhoon qiruvchi samolyotlaridan 40 ta sotib olish bo‘yicha shartnoma imzoladi. The Jerusalem Post bilan suhbatlashgan Isroil rasmiysi bu kelishuvni “bosh og‘rig‘i” deb atadi.

Yahudiy mulozimning ma’lum qilishicha, bu samolyotlar Isroilning F-35 qiruvchilaridan texnologik jihatdan ustun emas. Shunga qaramay, ular turk havo kuchlari safiga qo‘shilsa, Anqaraning tiyib turish imkoniyatlarini sezilarli darajada kuchaytiradi.

“Bu bizning havo kuchlarimiz uchun o‘yin qoidalarini o‘zgartiradigan tahdid emas, ammo Turkiyaning qurollanishni tezlashtirayotganiga aniq signal”, dedi Isroil rasmiysi.

Turkiya milliy mudofaa vaziri Yashar Guler britaniyalik hamkasbi Jon Xili bilan 40 ta Eurofighter Typhoon qiruvchi samolyotlarini sotib olish bo‘yicha dastlabki kelishuvni imzoladi. Marosim Istanbul mezbonlik qilayotgan IDEX 2025 mudofaa ko‘rgazmasi doirasida bo‘lib o‘tdi.

40 ta samolyotni o‘z ichiga oluvchi shartnomaning taxminiy qiymati 5,6 mlrd dollarni tashkil etadi. Kelishuvni Germaniya tomoni ham ma’qulladi.

Turkiya dasturning boshqa a’zolari Italiya va Ispaniyadan ham ijobiy javob olsa, shartnoma rasman imzoladi.