Isroil Bayden taklif qilgan G‘azo kelishuviga rozi
Isroil Bosh vaziri Benyamin Netanyaxuning bosh maslahatchisi Ofir Falkning aytishicha, Isroil 31 may kuni AQSh prezidenti Jo Bayden tomonidan taklif qilingan Tel-Aviv va Falastinning XAMAS harakati o‘rtasida tuzilgan sulh bitimidan voz kechmagan. Bu haqda Times nashri xabar bermoqda.
Uning so‘zlariga ko‘ra, Isroil rozi bo‘lgan kelishuv unchalik yaxshi emas, lekin Isroil rasmiylari haqiqatan ham barcha garovga olinganlarni qaytarib olmoqchi.
Falkning ta’kidlashicha, kelishuv doirasida ishlab chiqilishi kerak bo‘lgan ko‘plab tafsilotlar bor, masalan, Isroil o‘z maqsadlariga erishmaguncha doimiy sulh bo‘lmaydi. Uning qo‘shimcha qilishicha, Isroil shartlari o‘zgarmagan: garovga olinganlarni ozod qilish va XAMASni yo‘q qilish.
31 may kuni AQSh prezidenti Jo Bayden Isroilning HAMAS bilan taklif qilgan kelishuvi tafsilotlari haqida gapirdi. Unga ko‘ra, u olti hafta davomida jangovar harakatlarni to‘xtatish va G‘azodan qo‘shinlarni olib chiqib ketishni nazarda tutadi.
Keyinroq Netanyaxu G‘azodagi harbiy amaliyot maqsadlariga erishilmaguncha, Isroil doimiy o‘t ochishni to‘xtatish bo‘yicha takliflarga rozi bo‘lmasligini aytdi. Isroil G‘azodagi urushni tugatish shartlarini o‘zgarmagan deb biladi.
