Gulnora Karimovaning Moskvadagi hashamatli kvartirasi sotuvga qo‘yildi (foto)

Gulnora Karimovaga tegishliligi aytilayotgan Moskva shahridagi pentxaus sotuvga qo‘yildi. Riyeltorlar 500 m.kv. dan iborat kvartirani 1,6 milliard rubl (23 million AQSh dollari)ga baholagan. Bu haqda "Xabardor" xabar berdi.

Taxminan 240,7 mlrd so‘mga baholanayotgan pentxaus Radisson mehmonxonasida joylashgan bo‘lib, bir necha qavatni egallagan. Ushbu hashamatli xonadon sotuvga qadar uch million rubl ( taxminan 451,2 million so‘m) evaziga ijaraga berilgan.

Pentxaus derazalaridan Moskva daryosi ko‘rinib turadi. Xonalar Roberto Cavalli va Versace mebellari bilan to‘ldirilgan bo‘lib, ichki dizaynda italyan marmari, oniks va tabiiy yog‘ochga urg‘u berilgan.

Eslatib o‘tamiz, o‘tgan yili Lola Tillayeva-Karimova turmush o‘rtog‘i bilan birgalikda Gollivuddagi uchta hashamatli uyni sotuvga qo‘ygandi.