Erdo‘g‘an Isroilning G‘azo sektorida o‘t ochishni to‘xtatish bo‘yicha jahon hamjamiyatining chaqiriqlarini e’tiborsiz qoldirganini «buzilgan» deb atadi

Erdo‘g‘an Isroilning G‘azo sektorida o‘t ochishni to‘xtatish bo‘yicha jahon hamjamiyatining chaqiriqlarini e’tiborsiz qoldirganini «buzilgan» deb atadi

❗️Turkiya prezidenti Rajab Toyyib Erdo‘g‘an Isroilning G‘azo sektorida o‘t ochishni to‘xtatish bo‘yicha jahon hamjamiyatining chaqiriqlarini e’tiborsiz qoldirganini «buzilgan» deb atadi.

«Vijdonga asoslangan har qanday davlat bunga rozi bo‘lmasa kerak», dedi Erdog‘an Madriddagi Turkiya-Ispaniya biznes forumida so‘zlagan nutqida.

Davlat rahbari «G‘azo sektori va bosib olingan Falastin hududlarida 250 kundan beri davom etayotgan genosid tufayli vijdoni bor har bir insonning yuragi qonayotganini» ta’kidladi. Uning ta’kidlashicha, Anqara Ispaniyaning «Isroil vahshiyliklari» borasidagi pozisiyasini yuqori baholaydi.

Turkiya rahbarining so‘zlariga ko‘ra, qirollik Bosh vaziri Pedro Sanches o‘zining «prinsipial va uzoqni ko‘ra oluvchi siyosati» tufayli ispan, falastin va turk xalqlarining qalbidan alohida o‘rin egallagan.

Ispaniya 22 may kuni Falastinni mustaqil davlat sifatida tan olganini e’lon qildi. Bu haqda Norvegiya va Irlandiya ham e’lon qildi.

Erdog‘an, Ispaniyaning Turkiya fuqarolari uchun qo‘ygan viza talablari haqida ham fikr bildirdi va ular ikki davlat o‘rtasidagi iqtisodiy aloqalar salohiyatidan to‘liq foydalanishga imkon bermayotganini aytdi.

«Bojxona ittifoqini [Anqara va Yevropa Ittifoqi] yangilashdagi kechikishlar, ishbilarmonlar uchun qattiq viza talablari umumiy salohiyatimizdan to‘liq foydalanishga imkon bermaydi».
– dedi Turkiya prezidenti.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!