Erdog‘an muxolifat partiya deputatini sudga berdi

Turkiya prezidenti Rajab Toyyib Erdog‘an eng yirik muxolifatdagi respublika xalq partiyasi deputati Tunjay O‘zganni sudga berib, ma’naviy zararni qoplashni talab qildi. Bu haqda Turkiya yetakchisining advokati Husayn Oydin X ijtimoiy tarmog‘idagi sahifasida ma’lum qildi.

«Tunjayga prezident nomiga yo‘llagan asossiz va noo‘rin bayonotlari tufayli 250 ming turk lirasi miqdorida ma’naviy zarar undirish to‘g‘risida da’vo qo‘zg‘atildi», — dedi advokat.

Qayd etilishicha, Anqara prokuraturasiga ham davlat rahbarini haqorat qilish ayblovi bilan bayonot berilgan.